Minority Commission Sitting Kakkanad
Ernakulam District Keralolsavam 2026 ആവേശത്തോടെ ആരംഭിച്ചു | കലാ-കായിക മാമാങ്കത്തിന് എറണാകുളത്ത് തിരിതെളിഞ്ഞു – Kalamassery Vartha
എറണാകുളം ജില്ലയിൽ കലാ-കായിക രംഗത്തെ ഏറ്റവും വലിയ യുവജനോത്സവത്തിന് തുടക്കമായി. Ernakulam District Keralolsavam 2026-ന് ഔദ്യോഗികമായി തിരിതെളിഞ്ഞത് ജില്ലയിൽ ഉത്സവാന്തരീക്ഷം സൃഷ്ടിച്ചു. എറണാകുളം ജില്ലാ പഞ്ചായത്തും സംസ്ഥാന യുവജനക്ഷേമ ബോർഡും സംയുക്തമായി സംഘടിപ്പിക്കുന്ന കേരളോത്സവം അഞ്ച് ദിവസങ്ങളിലായി നടക്കും. Ernakulam District Keralolsavam 2026
ജില്ലാ പഞ്ചായത്ത് പ്രസിഡന്റ് കെ.ജി. രാധാകൃഷ്ണൻ ഉത്സവം ഉദ്ഘാടനം ചെയ്തു. കലയും കായികവും യുവത്വത്തിന്റെ ശക്തമായ അഭിവ്യക്തികളാണെന്ന് അദ്ദേഹം ഉദ്ഘാടന പ്രസംഗത്തിൽ പറഞ്ഞു.
ജില്ലയിലെ വിവിധ മുനിസിപ്പാലിറ്റികൾ, കൊച്ചി കോർപ്പറേഷൻ, ഗ്രാമപഞ്ചായത്തുകൾ എന്നിവിടങ്ങളിൽ നിന്നായി രണ്ടായിരത്തിലധികം യുവ പ്രതിഭകൾ കേരളോത്സവ വേദിയിൽ മാറ്റുരക്കും. വിവിധ കലാമത്സരങ്ങളും കായിക ഇനങ്ങളും ഉൾപ്പെടുത്തി വൻ ഒരുക്കങ്ങളാണ് സംഘാടകർ നടത്തിയിരിക്കുന്നത്.
ജില്ലാ പഞ്ചായത്ത് പ്രിയദർശിനി ഹാളിൽ നടന്ന ഉദ്ഘാടന ചടങ്ങിൽ വൈസ് പ്രസിഡന്റ് സിന്റ ജേക്കബ് അധ്യക്ഷത വഹിച്ചു. യുവജനങ്ങളുടെ സർഗാത്മകതയും കായിക മികവും ഉയർത്തിപ്പിടിക്കുന്ന വേദിയാണ് കേരളോത്സവമെന്ന് അവർ പറഞ്ഞു.
ചടങ്ങിൽ ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ ഷൈജോ പറമ്പി, പി.എ. മുക്താർ, ശ്രീദേവി മധു എന്നിവർ സംസാരിച്ചു. ജില്ലാ പഞ്ചായത്തംഗങ്ങളായ സുജിത് പോൾ, ജിന്റോ ജോൺ, ജോമി പോൾ, പി.എം. നാദിർഷ, ഷെൽമി ജോൺസ്, അഹല്യ സദാനന്ദൻ, ബിനി ഷാജി, മുബാസ് ഓടക്കാലി, ടി.എസ്. സുമയ്യ, ഒ.എസ്. സോന, അഡ്വ. വിവേക് ഹരിദാസ് എന്നിവരും പങ്കെടുത്തു.
കൂടാതെ ജില്ലാ പഞ്ചായത്ത് സെക്രട്ടറി പി.എം. ഷഫീക്ക്, ഫിനാൻസ് ഓഫീസർ പി. ഹനിഷ്, യുവജനക്ഷേമ ബോർഡ് മെമ്പർ സന്തോഷ് കാലാ, ജില്ലാ യൂത്ത് പ്രോഗ്രാം ഓഫീസർ ആർ. പ്രജിഷ തുടങ്ങിയവർ ആശംസകൾ അറിയിച്ചു.
Ernakulam District Keralolsavam 2026 ജില്ലയിൽ കലാ-കായിക മേഖലക്ക് പുതുജീവൻ നൽകുന്ന മഹോത്സവമായി മാറുമെന്ന് സംഘാടകർ അറിയിച്ചു.
