കൊച്ചിയിൽ മാലിന്യക്കൂമ്പാര വിവാദം: സാമൂഹ്യമാധ്യമ വിമർശനം തടയാൻ കടുത്ത നടപടി

Kochi Waste Management Crisis | കൊച്ചിയിൽ മാലിന്യക്കൂമ്പാര വിവാദം: പ്രധാന റോഡുകളിൽ നിന്ന് കള്ളക്ഷൻ പോയിന്റുകൾ മാറ്റാൻ മേയർ നിർദേശം | Kalamassery Vartha

കൊച്ചി:സാമൂഹ്യമാധ്യമങ്ങളിൽ കൊച്ചിയെ മാലിന്യക്കൂമ്പാര നഗരമായി ചിത്രീകരിക്കുന്ന ദൃശ്യങ്ങൾ വർധിക്കുന്ന സാഹചര്യത്തിൽ, നഗരസഭ ശക്തമായ ഇടപെടലിന് തയ്യാറെടുക്കുന്നു. പ്രധാന റോഡുകളുടെ ഇരുവശങ്ങളിലും മാലിന്യം അടിഞ്ഞുകൂടുന്ന സാഹചര്യം ഒഴിവാക്കുന്നതിന്റെ ഭാഗമായി, അവിടങ്ങളിലെ കള്ളക്ഷൻ പോയിന്റുകൾ ഉൾപ്രദേശങ്ങളിലേക്കും ഇടറോഡുകളിലേക്കും മാറ്റി സ്ഥാപിക്കണമെന്ന് മേയർ വി.കെ. മിനിമോൾ കൗൺസിലർമാർക്ക് നിർദേശം നൽകി.Kochi Waste Management Crisis

പ്രധാന റോഡുകൾക്കരികിൽ മാലിന്യം കുന്നുകൂടുന്ന ദൃശ്യങ്ങൾ സാമൂഹ്യമാധ്യമങ്ങളിൽ വ്യാപകമായി പ്രചരിക്കുന്നത് നഗരത്തിന്റെ പ്രതിച്ഛായയ്ക്ക് ഗുരുതരമായ തിരിച്ചടിയാകുന്നുവെന്ന് മേയർ ചൂണ്ടിക്കാട്ടി. കൊച്ചി കോർപ്പറേഷൻ പരിധിയിൽ മാലിന്യക്കൂമ്പാരങ്ങളെന്ന പേരിൽ പ്രചരിക്കുന്ന നിരവധി ചിത്രങ്ങൾ യഥാർത്ഥത്തിൽ സമീപ പ്രദേശങ്ങളിലേതാണെന്നും മേയർ വിശദീകരിച്ചു.

⚠️ കൗൺസിലിൽ കടുത്ത വിമർശനം

കൗൺസിൽ യോഗത്തിൽ ഭരണപക്ഷ കൗൺസിലർമാർ ഉൾപ്പെടെ നിരവധി പേർ മാലിന്യ നീക്കം കാര്യക്ഷമമല്ലെന്ന് പരാതിപ്പെട്ടു. മിക്ക ഡിവിഷനുകളിലും മാലിന്യം ദിവസങ്ങളോളം നീക്കം ചെയ്യാതെ കിടക്കുന്നതായി അംഗങ്ങൾ ആരോപിച്ചു.

ഉദ്യോഗസ്ഥരുടെ സ്ഥലംമാറ്റവും പുതുക്കിയ നിയമനങ്ങളും മൂലമാണ് താൽക്കാലികമായ കാലതാമസം ഉണ്ടായതെന്നും, ദിവസങ്ങൾക്കുള്ളിൽ തന്നെ പ്രശ്നത്തിന് സ്ഥിരപരിഹാരം ഉണ്ടാകുമെന്നും മേയർ അറിയിച്ചു.

🦟 കൊതുക് നിയന്ത്രണത്തിൽ പുതിയ നടപടി

കൊതുക് നിർമാർജന പ്രവർത്തനങ്ങൾ ശക്തിപ്പെടുത്തുന്നതിന്റെ ഭാഗമായി ആദ്യഘട്ടത്തിൽ 232 തൊഴിലാളികൾക്ക് പരിശീലനം നൽകിയതായി മേയർ അറിയിച്ചു. ഓരോ ഡിവിഷനിലും രണ്ട് പേരെ വീതം ഫോഗിംഗ് പ്രവർത്തനങ്ങൾക്ക് നിയോഗിക്കും.

150 തൊഴിലാളികൾക്ക് പ്രത്യേക യൂണിഫോം വിതരണം ചെയ്തിട്ടുണ്ട്. കൂടാതെ, പ്രവർത്തനക്ഷമമല്ലാതിരുന്ന 135 ഫോഗിംഗ് മെഷീനുകൾ അറ്റകുറ്റപ്പണികൾ നടത്തി ഉപയോഗയോഗ്യമാക്കിയതായും അറിയിച്ചു.

🚫 അനധികൃത പരസ്യബോർഡുകൾ നീക്കും

റോഡുകളിലും നടപ്പാതകളിലും ജനങ്ങൾക്ക് ബുദ്ധിമുട്ടുണ്ടാക്കുന്ന രീതിയിൽ സ്ഥാപിച്ചിരിക്കുന്ന പരസ്യബോർഡുകൾ നീക്കം ചെയ്യാനും തീരുമാനമായി. എത്ര പരസ്യബോർഡുകൾക്ക് ലൈസൻസ് അനുവദിച്ചിട്ടുണ്ടെന്ന് വിശദമായ കണക്ക് തയ്യാറാക്കാൻ കോർപ്പറേഷൻ സെക്രട്ടറിക്ക് മേയർ നിർദേശം നൽകി.

നഗരത്തിന്റെ ശുചിത്വവും സൗന്ദര്യവും നിലനിർത്തുന്നതിനായി ഇനിയും കർശന നടപടികൾ സ്വീകരിക്കുമെന്ന് കോർപ്പറേഷൻ വ്യക്തമാക്കി.

അത്ഭുതകരമായ അനുഭവം” – കൊച്ചി വാട്ടർ മെട്രോ യാത്രയിൽ വിസ്മയിച്ച് ലോക അത്‌ലറ്റിക്‌സ് ഇതിഹാസം ബെൻ ജോൺസൺ